網民勁Buy龍力蓮 推林淑敏做最佳女配角
20180114
東網電視
更多新聞短片
角色同佢本身性格相反都做得咁好，證明佢真係演到入晒血呀！
無綫女藝人林淑敏（Mandy）最近憑處境劇《愛．回家之開心速遞》大小姐「龍力蓮」一角Hit爆，雖然角色霸道又惡死，但往往引發超強笑料，大批網友推舉Mandy爭台慶頒獎禮女配角獎，最近她更在一個網站中成為民選「最佳女配角」，證明Mandy深得網友喜歡。
對此，Mandy表示要歸功於一眾編劇成功塑造角色：「我個心態係第一個觀眾係編劇，我會同佢同步，睇吓佢點寫，我傾向係卡通式做法，我哋傾咗想性格明顯啲，但唔係誇張喎！係有分別嘅！今次演個角色衰衰哋驚畀人憎㗎！所以都演得可愛少少，希望令觀眾輕輕鬆鬆有得笑，出到嚟觀眾好鍾意，喺街都有人讚我，已經好滿足，有冇獎都唔重要。」
Mandy笑言雖然演惡霸角色入木三分，但完全不似真人，真人絕對是溫柔得多：「我問過我老公我係咪咁潑辣，佢話梗係唔係，我真人其實好溫和㗎！你又可以問吓『送水輝』許家傑，佢成日話我性格好㗎！」
----------------------------
東網巨星開咗ig喇，大家快啲follow啦！