唔使介紹仔!阿田爆唐詩詠洪永城似電視劇
20180114
東網電視
更多新聞短片
阿田(右)似乎知唔少嘢喎!
視后田蕊妮(阿田)出席商場活動,憑無綫劇集《迷》提名今屆視后的她,被問到是否已成功拉票?阿田笑謂:「冇乜點拉喎!年年頒獎禮都係咁,冇乜所謂啦!反而就揀定咗衫!(因為拎過視后,所以冇壓力?)冇諗到呢樣嘢,但就唔係好緊張,有獎就梗係要同開心,冇我都會照做,當然我睇好自己。」
想唐詩詠拎視后
阿田更指老公杜汶澤也沒有為她拉票,又大讚一眾對手均表現不俗,但個人較喜歡好友唐詩詠,她謂:「佢未拎過嘛!希望佢有好成績,都要有個獎,感情上年缺失咗,就喺事業上拎番囉!(介紹男仔畀佢?)佢使唔使呀?(傳佢同洪永城復合?)咁似電視劇㗎!來來去去都係嗰個人,唔好喇啩,不過最緊要佢開心。」
聲帶有事
問到詩詠可有趁早前不丹之行向她吐心聲?阿田抵死地謂:「點解係要佢同我講?其實我好有需要傾,我有好多心事囉!好似傾吓個腹肌幾時先至練成,我想挑戰參加2018年健美小姐,着好少布嗰啲,如果40歲可以做件咁嘅事,對我人生真係幾大挑戰,但應該會嚇死老公(杜汶澤)。(佢批准你着咁少布?)到佢鍾唔鍾意咩?都娶咗返屋企,冇得彈番轉頭。」不過表現興奮的阿田,原來近日聲帶出現小問題,醫生勸她一個月停止說話養聲,惟喜歡說話的她實在難以忍受。
--------------------
東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/
如仍未更新東網App,請按此連結收睇360影片: https://goo.gl/dT5RmS