忠粉病逝 周柏豪開騷悼念:佢教識我勇敢

20180114
東網電視
更多新聞短片
柏豪一向愛錫粉絲,所以當佢知道有一名追隨佢多年嘅粉絲病逝後,感到十分傷心。
周柏豪昨日到深圳舉行巡演,據知柏豪的巡迴演唱會一共有10場,下星期會到佛山,跟住還有湛江、東莞、上海等地。昨晚,柏豪請來同公司的師妹Hana(菊梓喬),兩人合唱《一事無成》,Hana跟住再獨唱電視劇《使徒行者2》插曲《忘記我自己》。
柏豪特別唱到《只有一事不成全你》,這是紀念一位追隨他多年剛病逝的粉絲,柏豪說:「舊年佢個腦發現咗癌細胞,醫院透過公司搵到我,我去探過佢,畀啲鼓勵佢,我知佢病情好嚴重,之後亦都反反覆覆,上個月佢離開咗,不過我喺佢身上學識咗勇敢。佢一直都用正能量嘅心態去面對,佢臨走前同佢屋企人講想着住我推出嘅品牌Tee及聽住呢首歌,所以今晚我特別唱呢首歌紀念呢個歌迷。」
當晚完騷後還有慶功宴,柏豪說:「凌晨點幾先至返到酒店,我要即刻執行李,因為凌晨四點就要趕去機場,搭朝早六點班機返橫店繼續網絡電影嘅拍攝,喺車程同飛機夾埋瞓咗3個鐘度,一落機就直接去片場開工,仲要係吊威也添。」