乜咁啱？展鵬生日　單文柔晒整蛋糕相

藝人單文柔（Phoebe）同陳展鵬自爆出戀情之後，二人一直都保持低調。而尋日就係陳展鵬嘅41歲生日，Phoebe雖然保持一貫作風，未有公開向陳展鵬送上生日祝福，但係佢就喺IG上載咗幾張整蛋糕嘅相，唔知係咪整畀陳展鵬呢？

睇番啲相，Phoebe同朋友相約一齊整蛋糕，個蛋糕唔止七彩繽紛，上面仲有彩虹同氣球裝飾，真係勁有心思！佢仲喺留言度引用咗一段文字，內容大概話希望將彩虹咁靚嘅顏色放喺「你」嘅心入面，等「你」可以永遠記住，究竟呢個「你」又係邊個呢？