全副「舞」裝！祖兒阿Sa阿嬌合體出歌
20180115
東網電視
更多新聞短片
呢個組合正呀！
容祖兒、蔡卓妍（阿Sa）和鍾欣潼（阿嬌）一直以來這個三人組合，聯群結隊吃喝玩樂。雖然三位一直都想認認真真做一件事作個紀念，但多年來都只限構思未有行動。不過最近便認真起來，攜手合唱全新國語歌《全副舞裝》，更獲邀去到澳門新濠影匯拍攝MV，一於三位閨密合體出動。
《全副舞裝》有別於三人過去的作品，祖兒更話這不單是Hip Hop，甚至是火辣性感之舉。問到三位為何首次合作便選擇這種「火辣」曲風，大家一致認為唱快歌，感覺會開心啲。作為三位首度切切實實合作的作品，祖兒覺得最開心不止一齊拍MV，而且也見到朋友認真工作的一面。祖兒︰「大家好朋友相處咁多年，私下係好熟，但在工作上一齊去完成一件事，才會有更深體會。過程中既可互相了解，又能發揮互補不足的功能。」最令阿嬌開心的，係口頭講咗多年嘅合作旅程，今日終於可以實踐出來。
至於阿Sa，視祖兒為Twins新成員。她說：「我跟阿嬌已經合作多年好有默契，所以我會當祖兒係新成員。當我向旁邊睇祖兒工作時，會留意佢點樣去面對鏡頭，點去堅持做到最好，無形中都變成我嘅學習對象。」
而拍攝過程中，彼此間的閨密之情再次發揮得淋漓盡致，就算拍攝單人部分，其餘兩位陪伴向身邊，祖兒甚至充當工作人員，親自拎住風筒為阿嬌做效果，場面非常有愛！3位更急不及待討論，若然再有機會，下一首會合唱甚麼類型的歌？祖兒︰「我好喜歡Twins有首歌叫《你講你愛我》，有一種開心嘅氣氛，而且又帶啲百老匯歌舞嘅感覺，我幻想到如果可以一齊穿上閃閃歌衫去唱，會好有趣。」阿Sa︰「我比較想試Band Sound，因為大家可以盡情發瘋咁，感覺好熱血！」阿嬌說︰「如果真係唱Band Sound，我相信自己最多係向你們身邊不斷搖頭造勢。至於我最想嘅，就係三人可以表演一次歌劇。」
----------------------------
東網巨星開咗ig喇，大家快啲follow啦！