汪東城晒日模合照疑認戀 辰亦儒等做伴郎
20180116
東網電視
更多新聞短片
汪東城上載與日本名模藤井莉娜合照疑公開戀情，辰亦儒（右下左）話等做伴郎呀！
台灣男星汪東城近年主力在內地發展，工作冇時停，認真忙碌，而佢憑住帥氣外表一直深受唔少女粉絲愛戴，所以大家對佢嘅感情動向都非常關注！今日汪東城突然疑似公布戀情，佢喺社交網上載咗一張同日本名模藤井莉娜嘅「鬆郁矇」合照，相中佢哋面貼面非常親密，佢留言：「今天⋯終於不是愚人節了！」
點解佢咁講？其實佢喺2013年4月1日甫過二人合照，並留言：「終於有機會對她說了， 她也答應了， 祝福我們吧！」但隨後又再表示：「什（甚）麼節快樂嘻嘻 愚人節快樂！」就連佢嘅好兄弟辰亦儒都話：「保鮮肉三兄弟的另兩位等著（着）當你的伴郎」，郭品超亦表示：「離開我是對，祝你幸福！」唔通今次真係公布喜訊？而好友唐禹哲抵死留言：「難道是有了嗎 哈哈哈哈 祝福你啊」
而帖文一出後，即引起大批網友瘋狂洗板，仲話：「這是要公開？」、「公布戀情了？祝福」、「哇恭喜大東！ 」不過亦有唔少粉絲表示對此消息難以接受！
----------------------------
東網巨星開咗ig喇，大家快啲follow啦！