下月開騷！胡楓明86歲生日照綵排勁敬業
20180117
東網電視
更多新聞短片
就嚟86歲都仲咁精靈！
藝人胡楓到電台宣傳2月10至11日假紅館舉行的《胡楓86破晒紀錄演唱會2018》，獲主持人范振鋒及程凱欣送上蛋糕，預祝明天（18日）86歲生日。胡楓表示生日願望是身體健康，家人、朋友及大家都工作順利。問到家人如何與他慶祝？他說：「都係同我食餐飯，外國啲仔女有返嚟，咁咪好囉！算係咁㗎喇。好多人，十幾廿人。」他指有些家人會在演唱會前回港，6個孫更會上台唱歌給他聽。
至於講到自己的準備情況，胡楓直言Ready，但跳舞部分要更加努力：「跳舞要有氣力先得，要練氣同練舞步。（有冇食好嘢進補？）冇㗎，照平常咁，有時飲蘋果雪梨湯，清潤啲。（生日會休息？）唔係㗎，繼續綵排，到食飯嗰時先休息，唔好嘥時間。」他透露訪問後就會回去練舞，要練到熟為止。
提到契女林憶蓮日前為他驚喜預祝生日，胡楓笑言：「我都唔知呢個女突然間出現，又唔知邊個安排，好感動，好開心！（請林憶蓮做嘉賓？）佢唔得閒呀，好忙。我上兩次開騷佢都有做嘉賓，但呢次真係唔得。」
----------------------------
東網巨星開咗ig喇，大家快啲follow啦！