網民熱話:「厲鬼」纏身!阮政峰奪命逃亡

20180117
東網電視
更多新聞短片
阮政峰(右大圖)、周嘉洛(左下圖右)同馬貫東拍片引大家笑!
劇集《愛.回家之開心速遞》係好多觀眾茶餘飯後嘅話題,令劇中好多演員人氣急升!好似阮政峰、馬貫東同周嘉洛呢三個大男孩咁,大家真係差不多晚晚都見到佢哋㗎!呢日佢哋三個就齊齊拍咗條名為「個個都跟車,唔通個個都跟到咩? 」嘅短片,話說周嘉洛想黐車坐,有車嘅阮政峰就係咁避開佢,點知周嘉洛死跟,結果引發一連串笑料!
片段一開始,周嘉洛已經面皮好厚咁問馬貫東可唔可以車埋佢,馬貫東心諗:「你搵其他傻仔啦!」不過口頭上都禮貌回應:「冇位呀。」而同樣有車嘅阮政峰,就驚自己就係下一個「傻仔」,所以決定9秒9逃離現場。點知,周嘉洛突然現身走廊同佢迎面相撞,仲不懷好意問:「車埋我吖!」驚畀「厲鬼」纏身嘅阮政峰只好借尿遁,話去個洗手間先。就喺呢個時候,阮政峰就展開佢嘅「逃亡之旅」!見佢首先衝過一個巴士站,再喺迴旋樓梯奪命狂奔,之後穿越一條走廊再搭lift,搭lift嘅時候仲驚到狂按閂門掣,最後佢終於順利到達四野無人嘅停車場,好似鬆一口氣咁……
正當阮政峰四處張望準備揸車走人之際,突然有人拍佢膊頭,佢以為係周嘉洛,心諗點解咁都避唔過?點知轉頭一望,原來係馬貫東!搞到阮政峰抖咗啖大口,以為走得甩嘅佢仲笑住咁上車,但其實周嘉洛已經坐喺車度等緊佢,真係是禍躲不過,鬼叫你識隻「吊靴鬼」咩!
網民有話兒:
siuxxx3v:拍得幾好喎!今次幾夠驚憟感
yoxx706:咁樣跑法…有咩理由唔慢?!
janxxx115:哈哈哈哈,好痴(黐)線既(嘅)演繹,不過我鍾意!
sharxxxing777:好鬼片feel XD
----------------------------
東網巨星開咗ig喇,大家快啲follow啦!