名人：為客人跪地！陳蕾安唔靠父蔭百萬創業
20180119
東網電視
更多新聞短片
陳蕾安為咗證明自己嘅能力，決定用私己錢自資做眼鏡生意！
自細在溫室長大的Moiselle太子女陳蕾安，又是家中孻女，萬千寵愛卻沒有一點「嬌氣」，凡事親力親為，不靠父蔭，以私己錢自資做眼鏡生意，打造屬於自己的一片天。
陳蕾安（Tiffany）2012年於英國畢業回港，隨即被父母安排到上海名店做實習Sales。初入社會的她，見盡人生百態：「當時普通話講得唔地道，成日無啦啦被人鬧，日日企十個鐘，冇人工又好受氣，唔知為咩！屋企又唔係要我養，但到咗某個位突然諗通咗，我係嚟學習，唔應該嬲，反而要學點樣平息啲人嘅怨氣，唔可以畀心情影響工作，特別係做零售。最記得有次有個大人物嚟幫襯，後面跟住廿個大漢，佢要試鞋，我即刻跑，好驚遲一秒都被人鬧，攞咗三、四對，跪地為佢着，好緊張，最後佢買完走咗，嗰次都刻骨銘心。」
贊助眼鏡險失場
Tiffany其後到台灣分公司打理家族生意，近年則與好友Rene合資做眼鏡生意，問到是否爹哋畀錢投資？她說：「我一直都有啲積蓄，啲錢又買唔到樓，放銀行又冇咩用，不如攞出嚟做啲想做嘅嘢。（投資幾多？）差唔多一百萬，唔希望用家人錢，好似冇咩意義。」
Tiffany凡事親力親為，不單止用「腦」力做生意，還忙到筋疲力盡：「有次搵咗個美國陶瓷藝術家合作，想將眼鏡做到藝術品咁。咁啱當地有個慈善晚會，我哋贊助六百副眼鏡，由於時間好趕，我同Partner一手一腳由香港包裝整理，再寄去美國，但到晚宴前一日都未收到，好驚，成晚瞓唔到，不停打聽出咗咩事？最後發現被扣關，但晚宴又得番幾個鐘就開始，好無助，好幸運最後趕到，嗰種束手無策嘅滋味，唔係身在其中真係唔會知，但亦係一個好好嘅經驗。」
----------------------------
東網巨星開咗ig喇，大家快啲follow啦！