人情得三百！陳凱琳露「械」嚇窒賓客

東網電視

惡搞新劇其中一幕戲份。

陳凱琳主演嘅新劇正在播出當中，而陳凱琳喺裏面着住裙褂兼用槍指住老公黃浩然嗰幕仲引起唔少討論！有社交平台就將呢幕重新配音，惡搞成新婚夫婦嫌棄賓客人情畀得少嘅場面，即場加插「手槍指中邊個，邊個就要畀多五百蚊人情」嘅環節，非常搞笑！

短片一開始講述陳凱琳得知啲賓客只係封三百蚊人情，即刻嬲到用槍指住黃浩然，搞到未來老爺劉江都嚇到大爆金句「講呢啲」！之後陳凱琳愈諗愈嬲，索性嚟個拋手槍環節，支槍指中邊個，邊個就要即刻加碼！

點知枝槍跌落地之後轉咗好耐，個個為咗唔想做人情都紛紛踢開枝槍。然後去到最尾，大家都望實枝槍睇吓究竟轉中邊個。呢個時候蘇玉華就引用宣傳檢查子宮頸癌嘅經典廣告對白「我幾十歲人呢啲嘢唔關我事㗎」，而呂珊就話：「我初戀情人就係我老公，冇理由有我份㗎喎」，真係抽水抽到應一應！

結果支槍指中呂珊，佢即刻扮心臟病發，令黃浩然都忍唔住話佢做戲做多咗！唔少網民都大讚條片超爆笑，仲話短短分半鐘就有咁多笑位，非常有心思！

網民有話兒：

Txxxy Txxx：難在分半鐘內，笑位係連續幾個！

Kxxxxy Fxxx：笑死我…三姑姐你做多咗喇～

Yxx Yxxxxui：套劇係恐怖咗少少不過劇情都幾好睇

Scxxxxxtt Wxxxg：講中好多港女嘅心聲！

----------------------------

東網巨星開咗ig喇，大家快啲follow啦！

on.cc東網