周國賢開騷 搵齊Zarahn成員再夾Band

20180122
東網電視
更多新聞短片
Part 2 啱啱完,唔知幾時有Part 3?
歌手周國賢(Endy)繼去年12月在旺角麥花臣場館舉行《銀河鉄道之夜》演唱會後,踏入新一年再次在同一地點加開兩場,完騷後接受訪問時,問到演唱會可會再開Part 3?Endy坦言:「如果連續做落去就好啲,但呢兩次係隔開咗,有凌空吊住咗感覺,搞到我已經兩月冇打邊爐喇。(打埋邊爐係咪收爐過新年?)都要收收先呀,終於完成咗呢個演唱會可以暢懷食嘢一陣,過完年後,又要開工做新嘅音樂Project,亦都有劇要拍,所以會趁未開始前放過假先,都有一個星期。」Endy表示這次假期會全家去旅行,會返去新西蘭,相信要租旅遊巴先得。是否已很久沒和家人旅行?Endy稱上年12月底頒獎禮前才和家人回韓國一趟。
Zarahn各有各發展難合體
尾場Encore環節,Endy趁機請來當年組合Zarahn三位隊友上台「合體」Rock爆演出,他稱最近一次Zarahn演出已經是2012年的事,並謂希望日後有機會在更大場地一齊演出,但會有一定難度,Endy稱:「因為鼓手Jerry做咗飛機師,佢真係打鼓走咗去炒股,跟住仲做埋飛機師,揸長途機好叻仔呀。而佢哥哥Joey(低音結他手)就係某潮州酒家嘅太子爺,開咗好多分店,所以,反而係好難得請到佢哋嚟,時間好難夾。(係咪想再合體?)唔排除呢個可能性演出,但唔會以前咁做因為大家都已經各有發展。」
有機會進軍日本
問到這次個唱可會搬上紅館?Endy表示若然真的申請成功,自然原班底去做,笑言日日都有入紙。可會到其他地方巡迴?Endy表示都有想過,因早幾個月在日本認識一班樂手朋友,對方不論對他們創作的歌和樂隊音樂都有興趣,不排除有機會發展。再次進軍日本?Endy笑言:「如果係進軍日本,感覺係再返去日本,或者進軍韓國囉!(你太太韓國人,你都係返家鄉?)都係㗎,或者星加坡,因我阿媽都係星加坡人。」而尾場Endy的父母都有來捧場。
----------------------------
東網巨星開咗ig喇,大家快啲follow啦!