何遠東《降魔的》失落男配：以為有機會

藝人何遠東於將軍澳電視城出席《第九十屆奧斯卡頒獎典禮》記者會，提到於《萬千星輝頒獎典禮2017》憑劇集《降魔的》角逐最佳男配角的他，最終失落獎項，問到可有失望，何遠東說：「其實我又冇話好失望，不過我原本有一刻以為係咪真係有啲機會。嗰時我做緊訪問，有人叫我快啲入廠。其實入到五強已經好破格，我已經覺得好感動。我冇諗過關菊英都會睇，話我做得好，估唔到層面都幾廣。」他謂即使能否獲獎，在好多網民心目中都已是一個好好的男配角，已經很開心。

拍《降魔的》續集？

提到有傳會開拍《降魔的》續集，何遠東又謂有與劇組人員傾談：「呢件事好似好真實，我哋不停喺到諗緊點返出嚟，依家都有啲方向。」他又謂希望可以與黃子恆一齊做奸角，有得發揮演技：「試吓囉！為咗《降魔的》咩嘢都得，一個監製寫個角色畀我咩都得。為做奸角全力減肥都得，最緊要好玩同開心。」

進軍影壇

何遠東又笑言自己是潛力股，正向電影方面發展：「今年如果順利都會拍兩套外面嘅電影，仲要啲對手全部都好好。（係咪《降魔的》之後接？）其實係《心理追兇Mind Hunter》之後已經拍咗一套，2018年拍多兩套條路就好闊。」

----------------------------

東網巨星開咗ig喇，大家快啲follow啦！