戲院偷拍？許廷鏗澄清：係網上搵番嚟
20180123
東網電視
更多新聞短片
許廷鏗話自己會小心啲。
歌手許廷鏗（Alfred）和衛詩（Jill）出席3月至4月在海洋公園舉行的歌酒節記者會，兩人有份為歌酒節的演唱會演出，並自嘲酒量淺，Alfred表示：「平時好少機會喺台下觀眾飲住酒聽我唱歌，我睇rundown喺最尾出場，咁我之前都會飲住酒先，應該好好氣氛，好期待。」
講到早前Alfred在戲院睇韓片《與神同行》期間，疑似放映中時將畫片拍下照片，之後甫上了他的ig，被網民指他偷拍，其後Alfred將相片刪走，問到此事，Alfred表示：「我冇喺戲院影相，張相係我喺網上搵番嚟，不過怕引起誤會所以我之後刪咗，搵番張正式嘅官方劇照，因為嗰幕我覺得好感動所以想同人分享。（被人誤會你偷影？）如果咁做係唔啱嘅，但自己都會小心啲。」
而Jill稱飲酒後她會面紅紅，屆時可以試下現場的手工啤酒。講到家姐衛蘭身形脹爆，可幫她減磅？Jill謂：「咁可以點幫佢？或者陪佢做運動喇，同食少啲囉。」
----------------------------
東網巨星開咗ig喇，大家快啲follow啦！