繼續避談千語!林峯:佢依家仲忙過我

20180123
東網電視
更多新聞短片
究竟係咩關係??
藝人林峯出席英皇娛樂超級劇集《PTU機動部隊》記者會,戲中做PTU的林峯,將與飾演他上司的蔡卓妍有感情線,又表示已經在香港沒有拍劇五年,今次拍劇就似拍電影,因為拍攝時的配套都似拍電影的規格,近年北上發展的他很佩服香港演員,因廣東話有九聲,易食螺絲。
多謝英皇畀機會
林峯又笑指今次是入行第一次「制服誘惑」,他說:「以前淨係拍古裝着制服,男仔細細個都覺得着制服好型,不過細個就冇諗過要做!」更透露角色有吊威吔等場面。談到蔡卓妍飾演他的上司會否不像?他說:「冇得咁計,唔係佢把聲就話佢冇氣勢。(拍到幾時?)3月中!」又直認今次是與英皇完約後首次合作,他感謝英皇老闆楊受成與英皇經理人霍汶希給予機會。
否認開個人工作室
有傳林峯簽給古天樂的公司,而在現場照顧他的正是古天樂的經理人Ronnie,問到是否屬實?林峯說:「我唔係簽古天樂公司,係簽畀Ronnie,同宣萱同一個經理人,我起初喺TVB都係Ronnie帶我,已經好有默契!」同時亦有指他將開個人工作室,他否認並謂:「想喺大陸打好個底先,開工作室好多嘢搞!」
講到他與女友吳千語經常傳出情變,林峯表示:「我哋有Keep Contact,但係佢依家喺大陸拍緊劇,仲忙過我,又凍。(關係點?)唔講啦,感情事要講都講晒,不如你哋問佢啦,佢都係藝人,哈哈!」談到梁漢文涉酒駕,他則表示自己很少駕車,因為工作忙少休息時間怕撞車!
----------------------------
東網巨星開咗ig喇,大家快啲follow啦!