澳門歌手小肥在電台節目中宣傳與歌手側田（Justin）及樂隊RubberBand主音繆浩昌（6號）合唱的新歌《風塵三俠》，小肥表示至去年3月開始，每一個月都會推出一首新歌及舉行Live Show宣傳：「一共有10首歌，好少可首首歌都有拍MV。（新歌個MV好似卡通畫咁，咁後期製作咪用咗好多錢？）每首都係得5000蚊製作費，錢唔多，所以就想簡單啲，第一首歌都係影住我行嚟行去，再加啲歌詞。」他笑言製作團隊之後愈做就愈有心機，又會請Dancers跳舞：「要拍《風塵三俠》呢首歌嘅MV嗰陣都知好難夾到我哋三個一齊拍，所以本身個諗法係想搵三個好似我哋嘅女星拍，但好難搵，最後就用咗卡通。」

另外，小肥透露完成2月舉行的澳門演唱會之後，會進行全新的歌唱計劃，每隔兩個月便會推出一首新歌，亦會照舊辦Live Show，而4月就將於旺角麥花臣場館舉行為期兩場的演唱會。