被爆情人節求婚？袁文傑尷尬：今年內啦
20180124
東網電視
更多新聞短片
袁文傑出席活動談及女友張潔蓮。
藝人袁文傑與謝雪心、港姐張寶欣及黃瑋琦到機場出席長者活動，他一到場即獲大批長者呼喊其代表角色「游生」。談及自己深受長者歡迎，袁文傑笑言：「啲劇集係啱佢哋睇，依家都多咗人叫我金生，《愛·回家之開心速遞》都係同滕麗名合作嘅戲，早排同阿滕拖手仔嘅戲份都有人睇到。（覺得喺無綫演出有回響啲？）冇辦法，依家多咗社交網，消息係傳得快啲。頒獎禮都有同事話對我有信心，不過我舊年都叫做有成績，當自己拎咗獎，拎落唔少嘢喇！」
問到會否獎勵一下自己？袁文傑說：「未有計劃住，獎勵咗女友（張潔蓮）先！（女友辛苦？）梗係啦！又幫我湊貓、同埋陪我媽咪飲茶。（好抵錫？）係呀！我經常獎勵佢，送吓小禮物，食吓佢鍾意嘅嘢、睇吓戲咁。（幾時送求婚戒指？）都快啦，今年好似係好年，希望今年內啦！（煩惱緊款式？）都心大心細，好多諗法！」至於講到情人節將會是求婚的好時機，袁文傑聞言即刻表現尷尬，似是被踢爆！他笑說：「我收埋呢個諗法先！唔講得住！」
----------------------------
東網巨星開咗ig喇，大家快啲follow啦！