掃戰衣慶祝擸獎 菊梓喬心急露胸貼
20180126
東網電視
更多新聞短片
鍾意買嘢真係女人嘅天性嚟！
歌手菊梓喬（Hana）入行短短一年多，當年她加入樂壇時更是零收入要妹妹支持，每日只得廿蚊伙食費，不過近年她事業順利，名利雙收，早前Hana於各大頒獎禮中還大有成績，奪得了多個獎項，當然要獎勵一下自己，日前她出席活動後即急急腳往掃靚衫大出血。
當日Hana於北角出席活動，工作後她即與宣傳人員道別，極速上了早已停泊在附近等候的七人車，並直駛到太古城，落車後Hana一臉心急匆匆步入該處商場，以為她佳人有約，相約了緋聞男友張景淳，但最終卻見她獨自於商場閒逛，期間她更逢店必入，不停揀選靚衫的她只顧專心挑選心頭好，就連在活動上貼在胸口的宣傳貼紙也未有搣走，認真「濕平」大過天。
全程黐住「胸貼」遊街的Hana，及後於時裝店揀了大堆新裝往試身，見她於鏡前左照右照一輪，未幾便扑錘購下大袋戰利品，滿載而歸往乘車離開。
----------------------------
東網巨星開咗ig喇，大家快啲follow啦！