暴風雪航班取消!G.E.M. 悶到攤喺度

20180127
東網電視
更多新聞短片
圖文不符!
近日內地多個省份都出現降雪嘅情況,當中部分地區更有嚴重嘅暴風雪,令內地部分機場嘅航班延誤甚至取消,圈中唔少藝人都大受影響。
身在安徽嘅歌手鄧紫棋(G.E.M.)今日喺微博度留言,佢話原本今朝四點幾就出發去機場,點知航班因為太大雪而取消,搞到最後要搭十小時嘅高鐵去目的地!G.E.M.仲上載咗幾張攤喺梳化嘅相,向粉絲大呻悶爆。
受風雪影響嘅仲有藝人吳啟華,佢先後訂咗四班機去深圳,最後全部都取消,令佢勁無奈咁話:「老天爺今天不許我去深圳,對不起深圳的粉絲了」向當地粉絲致歉。
吳啟華接受東網訪問,他指最近於合肥拍劇,完成拍攝便趕往機場到深圳出席商演活動,怎料遇上大風雪,機場關閉24小時,所以他未能趕上活動,失場惟有改期演出,但明天在河北省保定的另一場商演,啟華稱不能再有失場,惟有轉搭高鐵前往:「我尋晚到今日四班機都上唔到,大風雪要關機場,都冇辦法,好彩司機接番我出去,唔使滯留機場,深圳呢場去唔到己經失場,我聽日仲有一場喺保定,唔可以再失,所以惟有轉搭高鐵去!」
----------------------------
東網巨星開咗ig喇,大家快啲follow啦!