的士哥哥認錯人 洪卓立變咗林峯？
20180127
東網電視
更多新聞短片
究竟係點？
人有相似不足為奇，好似藝人許志安同杜德偉「傻傻分不清」，成日畀人認錯咗，就連無綫小花蔡思貝都同日本男星木村拓哉撞樣，就知世界真細小！而以下呢位男星都畀人話同某人似樣，大家一齊玩「猜猜佢是誰」啦！
開估身份先，呢位男星就係歌手洪卓立，今日佢喺社交網透露畀的士司機認錯人，仲分享埋當時二人嘅對話。洪卓立表示該的士司機好熱情咁問佢近況如何，仲話好耐冇見佢喺無綫現身，正當洪卓立解釋完自己間唔中先參與無綫節目，的士司機突然爆出一句：「個時你同林嘉欣最西（犀）利！」
之不過林嘉欣都冇簽約無綫，究竟的士司機認錯咗洪卓立做邊個呢？就連洪卓立都忍唔住留言問：「咁我到底係邊個？」唔少網民推測司機叔叔應該係認錯人＋講錯名，仲估到有三個答案：1.認錯洪卓立為林峯、林嘉欣應為鍾嘉欣；2.認錯洪卓立為黎明、林嘉欣應為李嘉欣；3.認錯洪卓立為吳業坤、林嘉欣應為龔嘉欣。
好想知道正確答案呀！！！
----------------------------
東網巨星開咗ig喇，大家快啲follow啦！