莎朗史東斥Harvey應入獄　籲對施襲者要公平

荷里活淫魔監製Harvey Weinstein爆出無數性醜聞，引起反性侵風潮的「#MeToo」及「Times' Up」運動等，各界齊聲鬧爆涉性醜聞的男子，近日荷里活一代性感女神莎朗史東（Sharon Stone）於訪問中亦有回應有關性侵的提問，她明言希望Harvey入獄，不過亦呼籲各界要公平處理不同指控：「每項罪名都有輕罪與重罪之分，我認為犯輕罪嘅人唔應該被視為犯重罪咁對待。你唔可以檢控一個只係食咗張牛肉乾違例泊車嘅人謀殺！」言詞與早前發聲的男星麥迪文（Matt Damon）相似，男方早前表示：「摸人籮柚與強姦係有分別嘅。」後來被網民炮轟言詞有輕視非禮罪之嫌。

被問到應如何對抗涉襲的男性，莎朗表示：「我哋都有兩隻腳，你可以離開間房，可以話：『停手！』你可以選擇唔參與。」她又指：「（性騷擾）唔係你一入荷里活就開始，而係當你弱細時。」又指要為之前無人代為發聲的受害女性而難過：「女人好似我祖母咁，幾乎每日都被老公打，我要為佢哋發聲！」