陳柏宇唔需要同老婆「You Jump I Jump」

20180128
東網電視
更多新聞短片
柏宇同太太自有一套相處方式!
歌手陳柏宇(Jason)為腕錶品牌DANIEL WELLINGTON香港旗艦店開幕擔任一日明星店長及剪綵嘉賓,Jason表示做店長很開心,但自認不是稱職售貨員,他笑言:「如果我唔係陳柏宇,應該畀人炒咗。」Jason透露剛與太太符曉薇由泰國旅行返港:「係太太請我去旅行,係佢送畀我嘅聖誕禮物。今次去咗六日,都係以relax為主,行吓街食吓嘢,我仲有去打高爾夫球。」
提到情人節,Jason直言還未計劃,他說:「都係食飯為主,如果出去食都差唔多要訂位,其實係屋企食都得。(你下廚?)我唔識,但我鍾意喺屋企食飯,就算係叫外賣都得。(有冇最難忘情人節?)冇乜,因為我鍾意平淡,其實浪漫都可以平淡,唔一定要去海邊you jump I jump。唔需要做啲乜,喺屋企鋸扒又得,而且太太都鍾意。(會唔會考慮送手錶畀太太?)都好適合,因為成日戴,或者我地會將自己鍾意嘅嘢同對方講,唔想買咗啲又貴佢又唔鍾意嘅嘢。(鍾唔鍾意情侶款嘅嘢?)戒指、手錶、耳環都可以,衫我就麻麻哋。(有冇試過着情侶衫?)有着過,我幾唔開心呀!」另外,談到新一年大計,Jason稱會將去年在港舉行的個唱帶到其他地方舉行,又指希望可以開免費演唱會:「唔收錢,唔會有咁大壓力,回饋吓樂迷,而且唔用錢去衡量,意義大啲,不過都係處於吹水階段。我又想自己試吓做導演,但覺得好唔實在,如果我做導演要好多人幫手。」
---------------------------
東網巨星開咗ig喇,大家快啲follow啦!