一家拍MV！楊張新悅扭腰宣布佗第四胎
20180129
東網電視
更多新聞短片
第四胎嚟喇！！
名媛楊張新悅於2007年與圈外男友楊哲安拉埋天窗，先後已誕下了三個女兒，一家五口相當幸福！今日，楊張新悅喺社交網上載一條短片，見佢自編自導自演扮接受電台訪問。自稱「楊師奶」嘅佢，指近日好多人話佢好推咗好多活動，就連派對都唔出席，話佢唔飲番杯好唔畀面。最後，楊張新悅開估指其實自己已懷有第四胎，新生命即將誕生呀！
之後，楊張新悅仲全家總動完演出咗一個自製MV《一不小心2018大肚婆》，首歌其實係以佢2001年首歌《一不小心》為藍本，重新換上歌詞，再製作成呢首新歌嚟宣布有喜！歌詞方面亦相當綴核貼題，當中包括「一不小心又有咗囉，感覺很惆悵，明明話3個夠，點知畀老公呃咗。心在狂跳，在燃燒中三把火，不清楚是boy or a girl，由頭腫到落腳尖，goodbye my 高踭鞋。」其它歌詞仲有「腰酸骨痛朝朝吐」，「一家人出街要搭兩架的士」，真係好有感覺呀！
MV中，楊張新悅仲着住高踭鞋扭晒腰好落力咁跳，佢老公、三個女又喺隔籬配合演出，真係好有愛呀！難怪佢留言：「我又懷孕、第四個嚟緊，生得太多有點兒悶唱首歌仔調劑下（吓）心情，10幾年冇唱歌自家製作唔好嫌棄。送給所有大肚婆和媽媽聽。」其實楊張新悅2002年推出埋最後一張唱片就無再活躍樂壇，網民都大讚好懷念呀。
----------------------------
東網巨星開咗ig喇，大家快啲follow啦！