諗定未來屋企！蕭正楠冧翠如：最緊要有你

藝人黃翠如及蕭正楠（Edwin）情侶檔出席「Pricerite新零售概念店 - 旺角開幕禮」，Edwin在台上被問到對未來家居構想，他對着翠如說：「最緊要有你！」又大講愛的宣言公開冧翠如，但他事後補飛說：「咁我都要請傭人嘅！」

財政獨立

翠如被問到Edwin是否情深說話日日講，她說：「我都係第一次聽，頭先聽到有啲驚訝！（陣間揀埋大床？）我就好鍾意睇家品，之前去外國旅行都買好多煲煲叉叉返嚟，夠開餐廳！（Edwin有冇話肉赤？）咁我哋（財政）好獨立嘅！（情人節點慶祝？）佢要開工，我就會同屋企人去旅行，依家未定去邊，但對上一次一家一齊去旅行係十年前，所以都探唔到佢班！（Edwin唔係屋企人咩？）未係住！」

講完愛的宣言打冷震

Edwin做完情聖，笑言：「其實我自己講完，自己都打冷震！（你同翠如財政獨立？）佢直頭係強悍添啦！不過我都希望佢將來可以使到我啲錢！（情侶檔出席活動，酬勞好啲？）我都唔記得咗係第三定第四次一齊出活動，可以一齊去做好件事係開心嘅！（趁狗年拉埋天窗？）出年好忙，我忙開工，佢忙旅行，暫時未諗呀！」

--------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/<;br/>

如仍未更新東網App，請按此連結收睇360影片：https://goo.gl/9q8L18