練水行先！歐鎧淳懶理男友同陳瀅親熱
20180130
東網電視
更多新聞短片
歐鎧淳話佢係以游水為先！
藝人胡子彤及女友歐鎧淳到尖沙咀出席網劇煞科宴，胡子彤說：「我哋雖然演同一個劇，但係我哋冇對手戲。（女友知唔知你同陳瀅劇中有親熱戲？）佢同陳瀅都認識，另外報道出咗我都有畀佢睇，大家都知係工作。（想同女友有對手戲？）我唔抗拒，但要視乎係咪真係劇情有需要，如果想同場而同場就唔係咁好。」
歐鎧淳被問到男友與陳瀅拍戲，有冇探班並乘機監場，她說：「冇，之前佢拍戲，我要練水，到我拍戲，佢又要去打波。（佢同陳瀅拍親熱戲，有冇呷醋？）我都係後來先知，有需要監場咩？（你劇中有冇同男對手嘅親熱戲？）拖手囉！今次劇組好好，因為我係將游水擺優先，但劇組可以遷就到我練習嘅時間，我返深圳拍完又返落嚟練水。」
胡子彤就女友拍拖手戲，他補充說：「咁個男對手黃庭鋒我都識嘅，我同佢識咗好耐，因為佢都係運動員出身，不過都係嗰句，都係做嘢啫，如果係做嘢，我係完全冇問題！」
----------------------------
東網巨星開咗ig喇，大家快啲follow啦！