有喜？舒淇着超鬆身衫褲孕味濃

早前突然宣布停工的41歲藝人舒淇，令人猜測她因為大肚而要停工養胎，後來舒淇在一個活動中表示因為受皮膚敏感困擾病情反覆，所以要停工休養到過埋夏天，當中佢有提到對於生BB一事會順其自然。

今日社交網流出舒淇新相，佢應該係參加公司的聚餐，同場仲有余文樂及樂嫂王棠云，其實冇乜特別，不過奇就奇在舒淇一身嘅打扮，超鬆身衫同鬆身褲，而佢上衣前面有個袋，當佢影相微微向前傾嘅時候，件衫就鬆到凸晒出嚟，孕味超濃，唔通舒淇係遮緊孕肚？另外，舒淇個樣雖然有化淡妝，但都難掩佢嘅倦容。而樂仔同老婆王棠云合照時就使出一招迷魂鎖，箍住老婆，真係好SWEET。