進軍幕後！麥明詩寫法律題材劇本要貼地
20180130
東網電視
更多新聞短片
麥明詩表示會睇多啲案件，為寫法律題材劇本作準備。
藝人麥明詩（Louisa）到將軍澳電視城出席《萬千星輝頒獎典禮2017》慶功宴，Louisa表示最近有無劇在身，但亦有其他搞作：「有Keep住睇法律上嘅嘢，之前演咗套法律劇《是咁的，法官閣下》，覺得自己有興趣，想寫劇本係關於法律嘅，依家努力鑽研緊，有重拾番以前讀書嘅感覺。（向TVB自薦？）都有咁諗法，但睇唔睇就唔知。（同無綫高層樂易玲講過？）有講過，我之後都有構思做幕後工作。」
問作品何時面世？Louisa說：「依家仲係初步構思，自己有抱負，法律劇有節奏感之餘都要有法律觀點。（怕觀眾睇唔明？）都有擔心過，想有娛樂性之餘都想有教育性喺劇入面，所以完成後都會搵有法律資格嘅人問一問做參考。（有演員人選？）都未到呢個階段，好初步，都要睇多啲Case（案件）先。（會有風化案？）都唔排除，因為係好普通嘅罪行，想題材貼近大家生活，如果太商業，好似爭產、公司與公司之間爭議就唔貼近大家。（自己演埋？）我都有諗，但係唔應該咁，寫劇本應該專心去，想用第三者身份去講。」
----------------------------
東網巨星開咗ig喇，大家快啲follow啦！