章子怡晒巨型鑽戒　劉嘉玲閃石衫輸晒

女星劉嘉玲為工作不時都要做「空中飛人」周圍飛，雖然工作咁忙，但都要同班好友見面相敍輕鬆吓，今日嘉玲就喺社交網上載咗同內地女星章子怡嘅合照，仲開心咁話：「你真的很窩心。」從合照中見到兩大美人都笑得好開心，唔少網民都大讚呢張相冇得輸！佢哋保養得宜兼皮膚白滑，難怪個個都瘋狂讚好！不過有眼利嘅網民就見到子怡手上戴嘅戒指非常大粒，嘉玲着住件閃石衫都閃唔過佢，名副其實嘅搶「Fo」呀！