轉投王祖藍旗下　郭晉安洗衫煮飯乜都做

藝人陳豪與郭晉安都是無綫視帝，年年都會替無綫拍劇，擔綱演出，有指二人會離巢無綫外闖搵銀，而郭晉安更會轉投王祖藍旗下，對此，郭晉安接受東網訪問時坦言：「我繼續都會同無綫拍劇，簽畀祖藍都有意向喺內地發展，我同無綫都係一年拍一部，有好多時間都可以接吓外面嘅劇集，就係因為咁所以想同祖藍試吓合作，我唔係離開TVB。」

郭晉安今次與王祖藍公司簽經理人合約，而與無綫就是部頭合約。之前為無綫拍了《再創世紀》的他，被問到之後何時再開劇時，他謂：「我二月會幫TVB拍一部《白色強人》，我同馬國明合作，佢係心臟科醫生，我係神經科醫生，黐黐哋線嗰隻，簽畀祖藍乜都做，洗衫、煮飯、掃地一腳踢，有乜做乜！」聽郭晉安咁講，可能最近睇緊新劇劇本，太投入角色，掃地都做，真係黐咗！哈哈哈！

----------------------------

東網巨星開咗ig喇，大家快啲follow啦！