咁爆！胡鴻鈞同許廷鏗互見家長：感情穩定

歌手胡鴻鈞在上水廣場與緋聞情侶劉佩玥、周志文出席賀年活動。劉佩玥與周志文以情侶裝亮相，羨煞旁人，令到胡鴻鈞變成電燈膽，胡鴻鈞更扮受冷落，識趣地匿在一旁，十分搞笑。

胡鴻鈞受訪時被問到做電燈膽可尷尬？他笑說：「會呀，佢哋又襯過衫，其實我唔應該企喺佢哋中間，我某啲位都閃開，要識做囉，希望我唔會太光。（佢哋係咪拍拖？）咁又唔係，做嘢上有啲效果畀大家啫。」

胡鴻鈞與許廷鏗曾傳過緋聞，問到新年會否到許廷鏗家拜見家長？他笑說：「比賽時已經互相見過家長，我哋成日見家長，感情好穩定。（幾時攞個真嘅出嚟？）要啲時間，唔諗住做嘢先，有真先再公布，可能最尾都係許廷鏗。（屋企人有冇催拍拖？）冇，佢哋叫我注意身體，各方面都唔好咁操勞。」