答應求婚!阿嬌無名指戴鑽戒:下一站幸福

20180201
東網電視
更多新聞短片
阿嬌答應男友求婚!
藝人鍾欣潼(阿嬌)早前破Dry,認戀台灣「醫界王陽明」賴弘國,戀情爆出後,賴弘國是非多多,但阿嬌繼續撐愛郎!
踏入37歲冇耐嘅阿嬌喺微博晒相,話自己喺農曆生日收到最好的禮物,見佢上載好多蛋糕相,但啲蛋糕相都唔係重點,重點反而係佢收到鑽戒相,目測鑽戒3卡左右,阿嬌仲要戴喺無名指度,佢留言:「下一站幸福。」仲@埋男友賴弘國個IG!阿嬌答應男友求婚,喺農曆生日呢個開心日子宣布喜訊!
而好姊妹阿Sa(蔡卓妍)都有喺IG送上祝福,佢晒出兩人合照,並留言:「千言萬語~在心中❤️❤️」阿嬌留番言:「除了他,你也是我生命中最重要的人,真的千言萬語在心中。」果然姊妹情深!
至於天后容祖兒亦留言:「你的幸福是我們的快樂,愛你。」另外,好友何超蓮則留言:「生日加求婚快樂嬌嬌。」粉絲們都送上無限嘅祝福,真係恭喜晒!
----------------------------
東網巨星開咗ig喇,大家快啲follow啦!