開騷讚自己有線條！王菀之話全靠件衫幫手

歌手王菀之（Ivana）於麥花臣球場舉行音樂會，獲老公Eric So、白只、胡鴻鈞到場支持。甫開場，Ivana以一身紅色裙戴上兔仔頭飾背着觀眾現身，唱出《該死的快樂》揭開序幕。之後Ivana在台上面笑言要將瀏海揭開先可以跟大家講嘢，她說：「大家睇開我音樂會都知道我唔會講多過十句嘢，如果講多過十句嘢，有一半人走咗。」她續指音樂會點解叫《Happiness is…》，原因是自己的快樂就是可以跟大家分享音樂。去到中段，Ivana問大家是否覺得她很有線條：「主要係條裙cutting好，同埋啲布夠硬，邊度凸出嚟都可以拉番直。」其後，她透露有很多歌都在沖涼時創作：「嗰個時候係最Relax，一個屬於自己嘅私人空間，沖涼有好多靈感，好多時候都會沖好耐，咁就會浪費咗啲水，以下落嚟首歌係教大家唔好咁嘥水。」隨即唱出《Shower song》。去到最後，觀眾狂叫encore唔肯走，Ivana再次上台說：「識我嘅人都知道我冇encore，不過我好感動，我清唱啦！」然後再唱出《該死的快樂》，為音樂會劃圓滿句號。