老公識煲湯水　王菀之潤到冧爆甜笑

歌手王菀之（Ivana）於麥花臣球場舉行音樂會，接受後台訪問時，Ivana透露掛在胸前的兔仔掛飾是去旅行時見到最愛品牌的限定店就立即買了。問到是否身體不適？Ivana表示三星期前患上重感冒：「好番好多，唱歌都有力量啲，不過仲食緊藥，飲好多熱水養聲。」問到老公可有煲湯水畀Ivana？她即冧爆點頭，更大讚老公細心幫自己切生果。至於談到情人節如何慶祝，Ivana笑言：「都唔使依啲，要開工，不過新年會陪多啲屋企人，今年有好多音樂計劃同夢想要實踐，所以要keep fit做gym，應承咗教練唔做gym嘅時候，自己都會係屋企做多啲運動。（目標係減幾多？）數字嘅嘢唔好講喇，有啲進展，下個大型活動就係5月舞台劇，不過我好鍾意食年糕，由4底變成…數字唔好講喇。」