沾阿嬌旺氣！惠英紅開口恨拍拖
20180201
東網電視
更多新聞短片
錫錫沾旺氣！
影星惠英紅在灣仔開生日派對。壽星女惠英紅受訪前，便獲大會安排與剛剛答應男友賴弘國求婚的鍾欣潼（阿嬌）合照，兩人一見面即熱情擁抱又搓手又捽背，場面溫馨，之後惠英紅更「恨嫁Mode On」問：「幾時輪到我呀？」
問她生日願望？她謂：「都係身體健康啦！（想唔想喺四月蟬聯金像影后？）今年嘅機會可能微少少，因為啲戲好散，《血觀音》就台灣戲所以未必得，寄望2019年啦！」又謂農曆新年後會開始忙碌，已經接了不少電影、電視工作，希望向觀眾呈現一個不同的惠英紅。
問會否想拍拖？她笑住答：「想呀，我好耐冇拍拖喇！所以頭先見到阿嬌（鍾欣潼）我都話要沾吓佢啲旺氣！」她又指自己沒有人追，同時否認自己要求高。問會否似阿嬌接受到異地戀？她答謂：「其實我都有叫楊生（楊受成）介紹啲男仔畀我，但可能因為年紀大過我同時又未婚嘅人數比較少，所以就仲未介紹到畀我。」
----------------------------
東網巨星開咗ig喇，大家快啲follow啦！