朱慧敏童愛玲睇好李嘉豪：初戀Feel小鮮肉

女星童愛玲（Eileen）與朱慧敏（Queenie）在舞台劇中飾演好姊妹，彼此交換感情上的問題，初次合作的二人一見如故，Queenie指一眾演員都是首次在香港演出舞台劇，故初次見面已相當投契。

朱慧敏向姊弟戀Say No

劇中Eileen與小鮮肉李嘉豪（Kyle）演姊弟戀，而Queenie則與王賢誌拍檔，李嘉豪笑言能與兩位索女合作，機會難得！問到如何看待姊弟戀，Eileen表示：「演出試下當然好，但我都已經結咗婚啦！或者呢個機會要留畀Queenie！」單身的Queenie則表示愛成熟男：「我鍾意年長男士，因為人生經驗令佢哋可以喺心靈上照顧到女士。」而被視為「弟弟」的李嘉豪，被問到有否經歷「香蕉成熟時」？他笑言：「相信好多人都經歷過，中學時鍾意MISS，可能係初次喺家人以外嘅人身上感受到母性，我自己就試過鍾意中學學姐！」

童愛玲老公係初戀

兩位女士未有體驗過姊弟戀，但都二口同聲表示小鮮肉有「市場」，Queenie說：「都有身邊朋友鍾意二十多歲男仔，覺得佢哋可愛，有溫柔、單純一面，令佢哋覺得似初戀！」講到初戀，不得不提Eileen是「初戀情人就係我老公」的代言人，兩位拍檔都對此表示驚訝，笑言要藉機會向她八卦感情史，而Eileen則笑說：「我演過電視、電影同埋廣播劇，今次舞台劇係一個難得挑戰，不過我都冇機會再挑戰選美，都想聽吓佢哋講講選美經驗！」近年少有幕前演出的Eileen，今次接演舞台劇前先與家人到北海道旅行，問是否藉此機會要老公「放人」？她笑說：「老公一直都好支持嘅，都好開心工作前可以一家人享受吓先！」Queenie聞言即建議若要慶功，要由Eileen帶隊旅行慶功。

----------------------------

東網巨星開咗ig喇，大家快啲follow啦！

https://goo.gl/KGuo2N