晒上癮！吳尊出賣仔仔裸照：Max or Me

型男吳尊演出內地真人騷《爸爸去哪兒》第五季後，帶挈人氣急升，但早前佢為咗回饋粉絲，竟然晒出囝囝Max嘅如廁照，因而備受批評。不過，吳尊「晒開有條路」，繼續喺網上分享仔仔嘅相片，今次仲甫埋出浴照，唔知Max知唔知道呢？

吳尊喺微博上載咗兩張相，其中一張為囝囝嘅出浴照，但就有用圖案遮住重要部位，咁都好啲！至於，另一張就係吳尊嘅童年照，相中佢半裸上身，仲捧住個肚仔影相，認真搞笑。吳尊仲留言解釋：「忍不住要分享這張照片，我因（應）該是遺傳我爸很愛拍這種照片。你們選誰呢？ Max or Me？」