伍殷嬅晒摔角手級雙腿 劉思延背肌嚇死人
20180202
東網電視
更多新聞短片
....
無綫《2018國際中華小姐競選》將於明晚舉行，16位來自世界各地的佳麗今日便在將軍澳電視廣播城作泳裝綵排，眾女均以火紅比堅尼亮相，雖然當中不乏養眼索女，但有不少佳麗「爭少少」。
當中以16號伍殷嬅最令人驚訝，雖然靚靚女女，但泳裝卻不幸地凸顯其摔角手級的雙腿，令人睇到眼凸凸，而6號劉思延的重災區則在上半身，背肌勁橫，令人望而生畏。另外，雖然8號史孟冰看似平平無奇，但有一點就比其他佳麗特別奇怪，便是她泳衣下半身部分就甩就甩，非常牙煙。
至於，14號鍾梓甜雖然豐滿上圍，但以泳裝亮相時卻騷出其腰間有不少黑印。她受訪時就指自己敏感底，所以一有壓力皮膚便出事，正式比賽時會再遮得好啲：「我仲壓力大到瞓唔着！最驚係令屋企人失望。（入場支持？）佢哋有飛嚟香港睇我比賽。」
----------------------------
東網巨星開咗ig喇，大家快啲follow啦！