同陳偉霆傳緋聞遭威脅！Bruna報警求助
20180202
東網電視
更多新聞短片
Bruna因爲同陳偉霆傳緋聞而被網民鬧爆。
喺大陸人氣急升嘅陳偉霆（William）之前傳出緋聞，對象為巴西籍女模Bruna G Marth。呢段緋聞疑幻疑真，Bruna唔止喺IG被網民一面倒鬧爆，仲被翻出疑似曾經結婚嘅過去，而佢回覆東網時好委屈咁講：「我好唔開心，我冇結過婚，嗰個男仔係我好朋友嘅老公，我冇講大話，亦已經喺IG解釋咗，但網民仍然冇停止。（William知唔知你畀網民攻擊？）呢個唔講，係我嘅私人事。（覺唔覺得係因為你同William傳緋聞而被攻擊？）我知，但呢啲係我私事，網民講嘅嘢唔係真、係假新聞，我嘅工作係模特兒而唔係妓女，我知好多人都好愛William，但請尊重番我，每個人都應該受到尊重。（擔唔擔心影響工作？）我工作冇少到，冇受影響。（係咪好嬲？）唔係，我好尊重大家、好愛大家，但請唔好再喺IG打擊我，我唔係大話精。」因爲一段緋聞就畀人鬧到咁，Bruna真係陰公豬！
Bruna面對網民的惡意批評，有感人身安全受到威脅，昨日（2日）有人目睹她一個人現身灣仔警署，疑報警求助。
----------------------------
東網巨星開咗ig喇，大家快啲follow啦！