慳住荷包!泳兒周圍格價學做精明「人妻」

20180203
東網電視
更多新聞短片
娶得過喎~
鍾欣潼(阿嬌)與「醫界王陽明」賴弘國終於修成正果,晒巨型鑽戒宣布被求婚成功!同門師妹泳兒與髮型師男友Ziv Yeung拍拖六年多感情穩定,去年更突然傳出秘婚消息,事後泳兒對秘婚一事不承認也不否認,更稱自己不是單身,還表示接受到即興結婚。日前泳兒與男友到銅鑼灣搵食,她更化身精明「人妻」到該處食店四圍格價,兩人商量咗一陣都係揀唔啱,最後選擇返歸撐枱腳。
晚上8時許,身穿淺色長褸的泳兒與男友現身銅鑼灣街頭,沿途見兩人如老夫老妻般邊行邊傾,期間男友突然煙癮起,隨即邊行邊吞雲吐霧,而泳兒就一直殿後,奈何男友噴出來的白煙卻一直往後吹,即使泳兒兜口兜面硬食男友的二手煙亦沒有詐型,直至男友食完手上支煙,兩人便繼續並肩而行。其後途經該處食店時,他們都停低八卦睇餐牌格價,甚至向食店職員詢問一番!沿途見Ziv搭着泳兒膊頭邊行邊商量,行完一間又一間,不過似乎唔多啱心水,之後齊齊到附近搭小巴返屋企撐枱腳。
----------------------------
東網巨星開咗ig喇,大家快啲follow啦!