潮玩手勢舞　王菲攬緊那英深情合唱

天后王菲被盛傳將會與好友兼內地歌手那英，亮相內地春晚節目延續20年前的同台合唱。早前更有二人身處錄音室的合照流出，令兩大天后睽違20年合體嘅傳聞愈炒愈熱。呢日網上再有二人聚餐嘅影片流傳，片中見王菲閉眼攬緊那英左搖右擺咁合唱那英嘅《夢一場》，真係相當陶醉呀！

之後，佢哋又潮玩手勢舞，片中見那英動作非常熟練，而王菲就有啲唔記得動作，一邊做動作一邊偷睇那英，不過唔知係咪因為飲咗酒嘅關係，王菲嘅神情就露出一副呆萌樣，唔少網友大讚可愛呀！

----------------------------

東網巨星開咗ig喇，大家快啲follow啦！