華姐：雷莊?同家人分獎品 男友有份！
20180204
東網電視
更多新聞短片
雷莊?奪華姐季軍。
《2018國際中華小姐競選》冠軍李思佳、亞軍劉思延、季軍雷莊?與「友誼小姐」得主楊筑晶，到尖沙咀出席競選后冠及權杖頒贈儀式，合共獲贈總值80萬的后冠、權杖及毛公仔等。
開人到瞓唔着
一班佳麗完成賽事後成為好姊妹，賽後即顯得依依不捨，雷莊?透露賽後一班佳麗齊齊慶祝：「大家返到酒店食Buffet，因為今日都有活動，都早啲休息。（有冇開心到瞓唔着？）今朝9點醒咗瞓唔番，因為太多嘢喺腦中。（約好見面？）會約，因為大家係好朋友，加拿大去紐約都係8個鐘車，可以同李思佳見面，共他人都喺美加，大家休息吓再約。」
同家人夾期食飯
問到會否將獎品與家人分享？雷莊?說：「會，兔公仔會送畀男友，佢一直好支持我，過節都未送嘢畀佢，金飾會送畀婆婆，因為佢照顧得我好好。（今年收穫咁好，會答謝父母？）聖誕節有送禮物畀父母，希望新年都可以送大利是，同埋想一家人食飯，因為家人分布喺加拿大、美國同內地，加上細佬妹要返學，所以要夾期。」
----------------------------
東網巨星開咗ig喇，大家快啲follow啦！