【怕醜遮眼】馬國明唔敢睇心穎爆乳相
20180204
東網電視
更多新聞短片
馬國明未睇過？
《2018國際中華小姐競選》昨晚圓滿結束，當中有份出席嘅女星黃心穎就喺社交網站晒出服裝照，見佢以一身Tube dress上陣，唔少網民都睇到嘩嘩聲呀！
而同一時間，心穎嘅男友馬國明就同《降魔的》一眾演員舉行慶功宴，當中黃智雯、阮小儀、何遠東、胡鴻鈞、譚嘉儀、趙永洪、謝雪心等都有出席。佢哋仲喺社交網站Post出晚宴嘅相同短片，片中成班人笑到見牙唔見眼，睇嚟玩相當盡興！不過女友唔係身邊嘅國明就似乎冇咁好彩，事關譚嘉儀喺社交網站上載咗一段馬國明嘅短片，戴住帽嘅馬國明就畀一眾演員圍攻，大家就拎住部電話去問馬國明對相中呢一位女性着得咁靚有咩睇法，而相中人正正就係心穎。畀人圍攻嘅馬國明即時勁怕醜咁用部電話遮住自己，仲好大聲咁話：「限奶令喎！」唔少網民都話馬國明Sweet到爆，仲笑言馬國明對女友着得性感好似有啲不滿咁喎！
----------------------------
東網巨星開咗ig喇，大家快啲follow啦！