冇花冇跪地！雨僑收鑽戒爆喊：年紀都唔細

準新娘子雨僑宣布與男友羅力威結婚喜訊後，接受東網訪問時仍難掩興奮之情，她表示選擇在3月31日舉行婚禮沒有特別的意思，當日亦不是二人的任何紀念日，她說：「只知嗰日係復活節假期，今日宣布係因為之前都講咗求婚，唔想再成日掛喺口邊，所以喺適當時候就公布。」

未真正一齊住

雨僑透露婚禮當日會在淺水灣一間小教堂內舉行，下午會先有聚餐、夜晚與雙方家人食飯，她說：「因為採用比較西式嘅儀式，所以唔會有接新娘環節。」問到羅力威有甚麼進步的空間，她直言要住埋一齊先知：「之前都係偶爾會到對方屋企，但未真正住埋一齊。依家結婚都要置業，但想要大一啲嘅空間。所以要慢慢睇。」

「諗都冇諗就答應」

雨僑笑言已不記得大家的拍拖時間，只記得有一年大家找對方做音樂會嘉賓後便開始拍拖，她謂：「同平常情侶一樣，出街、食飯。咁多年入面，係冇壓力嘅。（羅力威為人較悶？）唔係，佢係一個好風趣、幽默嘅人。」雨僑又憶述求婚當日是在羅力威家中進行，對方雖然沒有跪地送花，但有送上鑽石戒指及寫卡，她更自爆當時喊不停：「唔係話好大粒，但我好感動到不停咁喊，諗都冇諗就答應，應承咗。因為大家年紀都唔細，我搵到一個對的人。」她又表示會生小朋友：「都打算生，但工作排到年中，完成晒就隨時準備生！」

羅力威執手尾

雨僑感激男友經常為她執爛攤子，她說：「記得當年我開美容公司，乜都唔識仲訂咗一大櫃傢俬，送到嚟我連個櫃都唔識開，全部都係由佢幫我搞，公司由牆身到地板，都係佢逐塊幫我砌，佢自己本身都唔熟呢方面工作但都係為我去做。（金錢上幫你？）呢方面唔需要。」