金像獎:入圍女配!寶珮如玫瑰痤瘡翻發

20180206
東網電視
更多新聞短片
寶珮如入圍金像獎最佳女配角。
藝人寶珮如憑電影《藍天白雲》入圍「第37屆香港電影金像獎」最佳女配角,她接受東網訪問時表示收到入圍消息時正看醫生:「因為我啲玫瑰痤瘡翻發,我老公喊爆咁嚟搵我,嚇死我以為乜嘢事。原來我入圍最佳女配角,反而佢開心過我好多又好興奮,我當時聽到個腦一遍空白,好似發緊夢。」
寶珮如又感謝張經緯導演給她機會:「佢好冒險畀我去飾演呢個角色。我自己都盡量去演,有好多我都演得麻麻哋,但今次意外有呢個收穫,我好衷心多謝大家對我嘅支持同鼓勵。」
問到屆時會否出席頒獎禮,寶珮如說:「我當然會出席呢個盛大典禮,支持香港電影。就算有冇獎我已經覺得係贏咗。」
----------------------------
東網巨星開咗ig喇,大家快啲follow啦!