放棄幕前演出 陳思行用真名執導演筒
20180208
東網電視
更多新聞短片
陳思行係乜水？佢咪就係《開心鬼》入面個可愛女生「姚瓊」囉！當時佢用陳加玲做藝名，成功上位！
導演陳思行（前名：陳加玲）與女新人李笑男（Zoe）到尖沙咀出席新片記者會。
80年代憑演出《開心鬼》系列電影而加入影圈的陳思行，被問用回真名的原因？她說：「陳加玲係我藝名，我依家唔做幕前，用番真名陳思行，感覺幾舒服！」
相隔多年，陳思行再執導演筒，她說：「我20幾歲嗰陣都做過導演，但好多都冇掛自己個名出嚟，其實今次都冇諗住做導演，我係老闆，只不過後來我做埋導演咁解啫！（套戲有韓國演員，外傳之前受到限韓令影響拍攝計劃？）冇影響喎，本來我想趕上年農曆年推出，但我想啫，根本拍唔切，我舊年九月、十月至煞青！」
----------------------------
東網巨星開咗ig喇，大家快啲follow啦！