怕被搶風頭？E-kids開騷臨時飛起艾粒
20180210
東網電視
更多新聞短片
因乜解究？
組合E-kids旺角麥花臣一連兩場演唱會開鑼，騷後訪問環節，Tommy帶埋囝囝阮治童（Caesar）讓記者影相，台下的太太就不想上鏡。講到帶埋囝囝上台，Tommy笑言：「一直覺得冇乜嘢可以畀到個仔同老婆，咁多年都係啲唔好嘅新聞，我一直都冇喺社交平台話畀人聽結婚有BB，大家可能以為我逃避，但唔係，只係想等到呢刻，光明正大同所有人講，我係做咗爸爸㗎喇，希望可以畀個肯定。（唔帶埋老婆上台？）佢喺後面幫我哋整衫，我哋出場第一套衫係佢親手加工，所以我成世人最幸運嘅係除咗做E-kids之外，就係識咗呢個太太，又生咗咁可愛嘅小朋友。」他亦謂囝囝下星期就滿一歲，問到會怎樣慶祝？他表示：「嗰日係初二，我會帶佢周圍?利是。」
而講到Alan在台上與男dancer激吻，他自爆：「其實我哋綵排嗰陣冇㗎，淨係對望，估唔到去到嗰刻，佢仲伸咗條脷過嚟！所以條豬橫脷留番我舐，因為佢哋兩個都有老婆，我就未有。」他亦謂當時估唔到對方會這樣做，問到可是第一次與男人錫錫？ 其他兩位成員即踢爆他飲醉酒會周圍錫，Alan就謂：「但今日真係脷疊脷，係對自己一個好大嘅挑戰。」Tommy笑言：「對觀眾都係，見到有啲掩眼，其實我哋有預備定嘔吐袋。」他們亦感謝鄭丹瑞及王宗堯為他們拍片，亦透露本身今晚嘉賓有艾粒，但因rundown太趕，故臨時決定刪減對方，Tommy表示：「真係冇辦法，佢哋都體諒，其實佢哋已經book好晒整頭化妝，真係好唔好意思，我哋都係今朝先有呢個決定，因為rundown密得滯，同埋頭先遲開場係因為日本band要重新set過啲架生。（聽晚會唔會有番艾粒？）佢哋聽日要做節目，同埋聽日科林擺酒，佢哋好似去飲，但都多謝佢哋。」
----------------------------
東網巨星開咗ig喇，大家快啲follow啦！