孖李雲迪開生日P 章子怡喱士低胸益好友
20180210
東網電視
更多新聞短片
生日係唔同啲！
國際影星章子怡尋日39歲生日，老公汪峰喺微博發千字文大講愛的宣言，不過就未見主角子怡蒲頭，呢位壽星就好似潛咗水一樣。到咗今日，子怡好友、鋼琴王子李雲迪就喺微博上載咗幾張同子怡嘅合照，原來佢哋同大班Friend搞生日P，當中仲有馮小剛導演嘅身影添。
李雲迪喺微博祝子怡永遠幸福，又放上多張合照，合照中見到子怡以黑色造型上陣，仲係喱士低胸示人，隱約仲透出黑色內衣，性感撩人，着咁性感，不過就見唔到汪峰喺佢身邊出現啵，唔知子怡係咪趁老公唔喺度就諗住晒吓事業線呢？
另外，其中一張相就見到眾人為子怡預備咗個七層大蛋糕，背景又見到大大張似係子怡抱住囡囡醒醒嘅合照，明顯有花過心思去準備呢個生日P，唔怪得之子怡張張相都笑得勁甜啦～～
----------------------------
東網巨星開咗ig喇，大家快啲follow啦！