【而我不知道】阿旦自爆要Search先識E-kids

20180211
東網電視
更多新聞短片
唔知會唔會有少少尷尬呢…?
組合E-kids假旺角麥花臣舉行的一連兩場《E-kids Again演唱會2018》來到尾場,入座率約八成,到近9時才正式開騷。因為是錄影場,三子似乎特別落力,觀眾表現亦相當投入。頭場被抱出時大哭的Tommy(阮民安)囝囝今場表現相當冷靜,Tommy就笑言因爲上台前跟囝囝商量過。
到中段嘉賓環節,穿黃黑色背心的張立基和三子合作《Electric Girl》後,張立基笑說自己是E-kids第四位成員,Tommy就回應:「咁如果我哋四個重新組合應該叫咩名好呢,不如叫咩bang啦,你睇Big Bang幾紅?可以叫China Bank,因為中國銀行錢多。」張立基就多謝三子給了他兩個興奮的晚上,又即場邀請Tommy幫他寫rap,最後張立基和三子合唱多了一首《盼你此刻奔向我》。
到Encore環節,在播放了藝人鄭丹瑞(阿旦)鼓勵他們的影片後,阿旦更驚喜現身演唱會,他說:「掌聲唔好畀我!要畀E-kids!」隨後又道:「開頭我同事同我講有一隊叫唔知E乜嘢嘅人搵我,我就問E乜嘢,唔通係醫生?你知喇,我呢個年紀有醫生搵我都好正常,後來知道咗之後我就上網搵E-kids係咩人,當我Search嘅時候我見到『E-kids係一隊追求自己夢想的樂隊。』我就決定要支持!叫我做咩都制,你睇我呢啲老人家平時10點就訓,依家已經11點。」三子亦十分感動,都說要請阿旦受他們一拜,Tommy又解釋自己同阿旦的淵源:「大家睇我哋表面好似好開心,但係都有艱難嘅時候,喺低潮嘅時候都好需要人打氣,我好記得阿旦以前有個節目叫《Home Sweet Home》,每集請唔同嘉賓上嚟分享佢哋嘅經歷,喺嗰幾年我哋透過呢個節目得到唔少鼓勵同力量。」阿旦亦感性說:「真係估唔到,我以為我離開廣播界咁耐,點知佢哋竟然話有聽過我嘅節目,多得佢哋嘅音樂,令到我哋可以冇代溝,我都係唔阻大家咁耐,我都想聽佢哋唱歌!」
----------------------------
東網巨星開咗ig喇,大家快啲follow啦!