買桃花旺人緣！胡鴻鈞畀媽咪五位數家用

歌手胡鴻鈞（Hubert）出席apm「新地商場」的綜合手機應用程式的開幕禮，現場Hubert與新鴻基地產執行董事郭基泓及新鴻基地產（中國）執行董事馮秀炎，一同主持情人節獻禮的啟動禮儀式，Hubert更與現場觀眾透過手機App玩遊戲。

Hubert受訪時，提到剛才在台上下載手機程式時有點蝦碌，開到為何不事預先前下載？Hubert說：「專登在台上先下載親自示範嘛，可能自己部手機太舊，要換部新機先得。」情人節將至，可能有人送手機呢？Hubert謂：「唔好，呢啲靠自己得啦。（叫好朋友許廷鏗送，佢賺咁多？）唔使，我鍾意靠自己。」

開工度情人節

至於情人節Hubert稱都是開工度過：「通常每年收工都係同屋企人去行年宵買桃花，因為屋企每年都買，會陪老竇去。（你有幫手托？）係呀，咁藝人都係人，都會行年宵嘅，係開心又熱鬧事。」問擺桃花是否覺添多了桃花運？Hubert坦言：「做呢行嘅人都想人緣好嘅。（你上年人氣旺係咪買咗棵大桃花？）咁又唔係特別大，年年差唔多，咁屋企唔係好大啫。」

問到是否準備好開工利是？Hubert說：「交咗畀阿媽幫我搞。（今年利是同家用都加碼？）的而且確呢段時間工作量多咗，至於家用自己唔講阿媽都會提， 佢兌錢時會自動扣起家用，所以畀五位數佢，我實質攞番四位數呢。」

----------------------------

東網巨星開咗ig喇，大家快啲follow啦！

https://goo.gl/KGuo2N