中田花奈自爆愛打牌　乃木坂46開騷提早拜年

大型動漫活動《C3 AFA Hong Kong 2018》昨晚假亞洲國際博館舉行雜錦音樂騷《I LOVE ANISONG》，日本人氣女團乃木坂46、組合fhana、春奈露娜和西澤幸奏共個歌手單位輪住上陣演出，吸引大批動漫迷入場支持。其中fhana主音towana因患上流感未能來港，但樂迷一樣表現好high，而春奈露娜和西澤幸奏則不時講廣東話冧樂迷。

至於以14人姿態壓軸上陣的乃木坂，甫登場便一口氣帶來《生命如此美好》和《制服模特兒》和《察覺時已是單戀》等4首作品，叫現場粉絲群情洶湧，齊齊站立揮動手燈。成員秋元真夏其後帶領隊友以廣東話打招呼：「大家好！我哋係乃木坂46！」並即席向粉絲拜早年齊聲講：「恭喜發財！」在松村沙友理用廣東話介紹樂曲後，乃木坂再跳唱《及時行事》等三首作品。

是次乃木坂首來港開騷，基本上由秋元和松村身兼用廣東話做主持的重任，又率領成員逐一用廣東話自我介紹並說出最喜歡的東西，秋元表示：「最鍾意大家！」而高山一實和西野七瀨分別自言喜歡「麻婆豆腐」和「食辣」，最搞笑是中田花奈：「我鍾意打麻雀！碰碰碰！」其後松村叫樂迷：「大家一齊high啦！」再偕隊友演繹《赤腳Summer》和《夏天的Free&Easy》等人氣歌，而唱到《來吧Shampoo！》時，她們更在中段齊段講：「香港最好！」

秋元表示：「好開心，想再嚟香港！」並在安歌時與松村一齊公布由粉絲投票的最喜愛乃木樂曲三甲。全晚共唱了11首歌的乃木坂，最後唱出投票取得No.1的《第幾次的藍天》，全場手燈變成藍色場面壯觀，不過就未有唱出去年奪得日本唱片大賞榮譽的《Influencer》。秋元最後表示：「真係好多謝大家！」齊齊鞠躬，為演出圓滿落幕。