「安仔」人氣急升　周嘉洛孖蘇可欣搵銀

近日憑無綫處境劇《愛．回家之開心速遞》「金城安」一角人氣急升的藝人周嘉洛，日前與前港姐蘇可欣齊齊搵銀，拍片介紹九龍城區歷史文化與地區美食。在拍攝期間，不少途人認出周嘉洛並大叫「安仔」，令他十分開心：「呢度嘅街坊好熱情，買緊餸嘅姨媽姑姐都叫我『安仔！安仔！』，我仲發現有好多小朋友都認得我，可能大家晚晚都有睇《愛．回家嚟撈飯。」周嘉洛仲自爆唔記得對白，搞到要成日要NG：「搞到蘇可欣遲收工，好在佢冇怪我。」

至於蘇可欣坦言十分開心與周嘉洛合作，她說：「今次拍攝時間好長，而且要走好多個場景，所以我哋拍攝節奏要好快，希望今年多啲呢一類型嘅工作，特別係介紹美食呀！（唔驚肥咩？）都驚㗎，做運動就冇問題啦！」